Lou journalet dóu Pont de Garanço N°51 : Mars 2016

Lou mes de Mars,

Es amar.

Lou cascavèu ( seguido)

Le grelot (suite)

Encigala de bonur alor que se sarravon d’un vièi òume que ribejavo lou camin, Jòusé se clinè vers Jano e ié murmurè : « Escouto l’auceloun que canto ! De si retournello encanto Nòsti dous cor amourous, Pivela d’èstre tant urous.  De branco en branco, uno aucello Que de sis alo fai la bello, Ié piéutejo trefoulissènt D’un esmòu viù e ardènt. Soun bonur esmeraviho Tout l’aubre e si ramiho. Soun à la sousto dóu malur Car sis ate soun simple e pur. Se lis ome èron mai toulerant, S’avien lou cor sus la man, Tout sarié linde e plus bèu Coume aquest poulit tablèu ». ……………………………………… Michèu

Enivrés de bonheur alors qu’ils s’approchaient d’un vieil ormeau qui côtoyait le chemin, Joseph se pencha vers Jeanne et lui murmura : « Ecoute le petit oiseau qui chante ! Avec ses ritournelles, il enchante Nos deux cœurs amoureux, Fascinés d’être si heureux. De branches en branches, une oiselle Qui avec ses ailes fait la belle, Lui piaule d’un air plaintif, tressaillant D’un émoi vif et ardent. Leur bonheur émerveille Tout l’arbre et ses ramilles. Ils sont à l’abri du malheur Car leurs actes sont simples et purs. Si les hommes étaient plus tolérants, S’ils avaient le cœur sur la main, Tout serait pur et plus beau Comme ce joli tableau. » …………………………………….. Michel

                                     Lou quartié de Quito-Braio

Aquéu quartié d'Avignoun s'atrobo après lou balouard Sant Rùfi, en anant dóu coustat de Durènço, toco lou quartié de Bagno-Pèd.

Lou grand de Jano, qu'èro jardinié, restavo, èu, à Sant Rùfi. Avié uno terro de trege eimino e un cabanoun. Anavo à sa terro emé soun chivau « Riri », e tambèn sa carreto.

Dins soun cabanoun, i'estremavo sis óutis e li banasto ounte metié soun ourtoulaio pèr l'adurre au marcat d'Avignoun.

Arrousavo soun ort à niue emé l'aigo dóu canau de Durènço. La maire de Jano i'anavo pèr travaia, fasié lou camin à velò, carrejavo la pichoto sorre dins lou carretoun, e Jano, elo, seguissié d'à pèd.

Aqui se retroubavon uno chourmo de drole qu'avien qu'uno idèio en tèsto, èro de s'ana traire dins l'aigo, ço qu'èro enebi pèr si gènt.

                  Reviraduro coulèitivo sus uno idèio de Jano.

                                              L'ort de Coudoun

Dijòu passa, en escoutant lou raconte de Jano e d'Óudeto, à prepaus dóu quartié de Quito-Braio, acò m'a fa souveni de noste jardin d'ourtoulaio, mai de sieissanto an en rèire, pountannado qu'aviéu óublidado....

A Ceresto, restavian dins lou vilage, e lou jardin d'ourtoulaio que menavon mi gènt, coume tóuti li famiho en aquelo epoco, s'atrobavo un pau liuen dóu vilage, à pau près tres bon kiloumètre, e tout acò se fasié d'à pèd. I'anavian la majo part dóu tèms amé nosto maire : iéu, qu'ère la pequeleto, e mi dos sorre ; moun fraire nasquè quàuquis annado mai tard. Ma maire butavo la veitureto d'enfant, mai iéu amave miès de marcha que de me faire carreja ; la mai einado de mi sorre èro un pau fulobro, tirassavo la cambo, malautejavo toujour, e arribavo proun de cop que mi dos sorre se garrouiavon pèr se faire carreja. E un cop que nous entournavian, la veitureto servié à carreja li banasto de liéume. Lou quartié dis ort, en ribo de l'Encremo, se noumavo « Coudoun », e n'ai passa de bèllis ouro, aqui, à jouga !

En ribo di gandolo, la terro èro un pau argielouso, e n'en preniéu à plèni man pèr n'en gaubeja de bèsti, de terraieto, de pantin, e que sabe, encaro ! Li fasiéu seca au soulèu. Emé de gràndi fueio replegado, fasiéu de barco, e li seguissiéu jusqu'à la ribiero. Nosto maire nous defendié d'ana dins l'aigo, èro gaire founso, mai toujour lindo e fresco, cascaiavo sus li code em'un poulit murmur, quouro au souleias de la plano, quouro souloumbrouso entre de bartas e de sebisso d'avelanié. Sus lou cop de quatre ouro dóu tantost, ma maire desplegavo uno touaio sus la tepo, e fasian pauseto pèr lou gousta : uno lesco de pan em'uno barro de choucoulat o de pasto de coudoun, e à la sesoun, la frucho. Em'acò, nous groupavian mai à l'obro. Aviéu de plesi à travaia emé mi gènt, amor que mau-grat moun jouine age, coumpreniéu qu'avièn de mau à derraba sa vido e nous assegura la mangiho, alor, fasiéu tout moun proun pèr ajuda. Derrabave li marridis-erbo ; èron de-fes-que-i'a, talamen drudo, que tirave tant que poudiéu, e me toumbave d'assetoun, l'erbo à la man ! Ço que me tiravo proun peno, èro de culi li faiòu verd, amor que dins li planto i'avié un fube d'aquélis aragno cambarudo que me venien sus li man e me fasien quiéla de l'esfrai...

Me souvene qu'un jour, sabe pas come acò se capitè, pataflòu ! Me vaqui emé li dous pèd dins la gandolo ; l'argielo dóu founs avié arrapa mi sandalo que restèron tancado dins l'aigo. Ma maire li sourtiguè em'uno eissado e li refresquè dins lou riéu ; e pèr qu'aguèsse pas li pèd dins lou bagna, me lis empatarassè dins de grand moucadou que n'avié toujour de propre dins sa pòchi, pèr cas que...

E s'entournerian au vilage coum'acò...

                                                                          Michello

                                                 Lou bissèst !

Aquest'an, sian dins l'annado dóu bissèst, e acò arribo tóuti li quatre an, leva dis annado seculàri, souto coundicioun que li dous proumié chifre se pousquèsson divisa pèr 4.

Es li rouman qu'avien chifra que falié apoundre un jour tóuti li quatre an pèr recoubra lou retard pres pèr l'annado civilo sus l'annado soulàri. A passa tèms, lou jour adiciounau èro apoundu avans

lou 24 de Febrié, amor que devié èstre lou siesen jour avans li calendo de Mars, e d'aquéu biais, i'avié dous cop lou 24 de Febrié. Es lou perqué dóu mot « bissextile », que vòu dire : « dous cop lou sieisen jour ».

Antan, li gènt disien que l'an dóu bissèst èro uno annado enmascarello, que n'arribavo que de mauparado e d'auvàri, que rèn se poudié bèn passa.

Lou prouvèrbi nous dis :

-Mesfiso-te de l'annado dóu bissèst

Emai d'aquelo d'avans e d'aquelo d'après.

O encaro :

-Agues pas pòu de l'an dóu bissèst

Mai d'aquelo d'avans e d'aquelo d'après.

Ço que vòu dire que fin- finalo, pouden èstre tranquile qu'uno annado sus quatre !

E la marrido reputacioun d'aquelo annado, fasié qu'antan la rendien respounsablo de tóuti lis auvàri.

Dins lou « Tresor dóu Felibrige », Mistral a escrit : « Bissèst : mot que s'apound chasque quatre an au mes de Febrié. Guignoun, malastre, auvàri, desfourtuno. » Se dis : « Te pagarai l'an dóu bissèst », o « te pagarai pèr li calendo greco » e acò vòu dire : « te pagarai jamai ». Se dis encaro :

« lou bissèst a tourna », valènt à dire que la fourtuno a vira l'esquino ; « avé lou bissèst » vau dire avé de malan, e « pourta bissèst » es pourta malur !

Dins un armana de 1860, ai trouva un pichot tèste de Frederi Mistral, que se raporto en acò :

« Jan dóu Fes, un bon ome que n'èro pas l'encauso que li granouio an ges de co, au bout de tres mes de maridage, sa femo faguè lou pichot. Coume avié, Jan dóu Fes, toujour entendu dire que li femo d'ourdinàri s'acouchon qu'au bout de nòu mes, anè trouva lou capelan pèr ié counta lou mal-auvàri.

Lou curat, que falié faire ? Pèr counserva la pas dins lou meinage de Janet e'nterrin ié leva si cascavèu d'en tèsto, prenguè soun breviàri, fuietejè, fuietejè, e'm'acò à la fin legissènt dins soun libre, diguè à Jan dóu Fes em'uno voues d'ouracle :

« Jan dóu Fes

Femo n'a pres,

L'an dóu bissèst que n'en vau tres..

Tres e tres fan sièis, e tres fan nòu :

L'enfant es tiéu, Janet, pèr-ço-que Diéu lou vòu.

E Jan, rassegura, anè bressa coume un bon boustre.

                                                     Michello

 

Prudènt, lou pichot !	Prudent, le petit !
Uno maire sort amé soun tout jouine fiéu e rescontro en camin uno de sis amigo fort poulido. -Gregòri, demando la maire, embrasso la dono !. -Noun Maman ! -Enfin Gregòri, óubeis ! -Noun Maman ! -Mai fas pas ta marrido tèsto ! Perqué vos-ti pas embrassa la dono ? -Perqué Papa a ensaja aièr e a recegu un parèu de bacèu !	Une mère sort avec son tout jeune fils et rencontre en chemin une de ses amies fort jolie. - Grégory, demande la mère, embrasse la dame ! - Non maman ! -Enfin Grégory, obéis ! - Non maman ! - Mais ne fais pas ta mauvaise tête! Pourquoi ne veux-tu pas embrasser la dame ? - Parce que papa a essayé hier et il a reçu une paire de gifles !

Lou journalet dóu Pont de Garanço N°50 : Febrié 2016

Vau mai un loup dins un troupèu Qu’un mes de febrié trop bèu.

Lou castèu de Fontsegugno

Quand arribas sus lou planestèu de Campbèu, à Castèu-Nòu-de-Gadagno, poudès cerca lou castèu, lou veirés pas ! Fau prendre un camin pendoulous que virouiejo entre li pin e li lauretin. Après quàuqui recouide, sias pivela en arribant au founs d'aquelo coumbo verdo e fresco.. Au bout dóu camin s'aubouro majestousamen lou castèu, emé sa faciado rousenco, si nàuti fenèstro, e tout en aut, sa renguièro de balustre. Semblo pausa dins un nis, acouida à la colo e acata de l'autre coustat pèr d'aubre grandaras. En soubat, après quàuquis escalié de pèiro, uno grando estendudo de tepo drudo e verdo, uno font, de banc de pèiro, un grand nai. Tout ço que soubro d'un jardin meravihous. Mai revenènt à man drecho dóu castèu, souto lis aubre, roure e platano. Es aqui que pèr un bèu jour, lou 21 de Mai de 1854, sèt jouvenome de l'encountrado prenguèron vanc pèr founda lou Félibrige.

Mai me fau vous counta l'istòri d'aquéu castèu.

Fuguè basti au siècle 12en, e siguè la prouprieta di Du de Gadagno. Pièi siguè demantela pèr lou Baroun dis Adret, un captàni di guerro de Religioun. Pièi rebasti, e à la revoulucioun fuguè desmounta e vendu à cha pèiro ; d'ùni tros fuguèron emplega pèr basti o adourna d'àutri mounumen o oustau dóu vilage. Au siècle 19en, lou nouvèu castèu fuguè basti sus l'emplaçamen d'un oustau de plasenço e fuguè la prouprieta de Moussu Marie-Pierre d'Alcantara-Goujon, conse de Castèu-Nòu.

Aquèu Moussu faguè dounacioun de sa fourtuno au proufié dis escolo e dóu vilage. Leguè soun castèu coume dèute de recouneissènço à la famiho Giera, d'Avignoun. Es coume acò que li sèt primadié se venien acampa pèr festeja ; s'acampavon tambèn quàuqui-fès en Avignoun, Maiano o Castèu-Nòu-dóu Papo.

Mistral, Roumanille, Aubanel, Brunet, Giera, Tavan e Mathiéu avien près pèr toco d'apura la lengo prouvençalo e de l'enlusi pèr, segound li mot de Mistral : « la tira dóu cativié mounte jasié, despièi que, trahissènt l'óunour de la Prouvenço, li moussu l'avien redu, pecaire, à servi mèstre »E fasènt lou coustat que di dous coungrès, d'Arle e de z'Ais, n'en èro rèn sourti que leisso prevèire d'acourdamen pèr reviéuda la lengo nostro, e qu'au contro d'acò li reformo prepausado fuguèron mau aculido, decidèron alor de faire bando à despart e se boutèron en bousco d'un noum pèr soun acamp. Fuguè Mistral que, lou bèu proumié prounouncié lou mot « Felibre », se souvenènt d'un recitadis qu'à Maiano se disié de bouco en bouco, e que parlavo « di sèt felibre de la lei ». E vaqui coume li causo se capitèron. E aquéu 21 de Mai estènt au calendié la fèsto de la Santo Estello,saludèron coume li rei mage, l'aflat de l'estello que veguè la neissènço dóu Felibrige.

E vaqui, en quàuqui mot, l'istòri d'aquéu rode bèn astra ; e quouro au bout dóu camin , vesès s'auboura lou castèu, noun poudès èstre que pivela pèr ço que s'esvano d'aquéu liò. E iéu, me semblo que li vese, li primadié, asseta souto li rouro pèr turta si got à l'amista e à la reneissènço de la lengo nostro.

                                                                                Michello

 

                     

 

 

                             

                                                                                 

 

                                           Istant magi....

Davans mis iue, lis aubre, figuiero e frais, entremesclon si branco ; lou cèu, d'un blu lachous agaloupo tout, l'aigo, l'erbo, tout s'avalis. Lou tablèu, sus la chaminèio, es acrouca dins li branco ; darrié lou pege dóu sofora ; dis iue pode destousca, à cha uno, lis estagiero de la biblioutèco ; li libre ié soun bèn arrengueira, d'ùni lusisson souto la lampo pendoulado à n'uno grosso branco. La calamo, coume la nèblo, agouloupo tout. Pau à cha pau, lou blu se found dins la blancour espesso.

Li libre soun parti, dóu tablèu, n'en resto plus qu'uno taco blu-encre que se found darrié li branco que s'enfounson èli tambèn dins la neblasso. Uno agasso se vèn pausa dins la figuiero, dins un balans de branco fino...

Ouro bluìo, istant fugidis qu'esito entre la niue e lou jour, cade matin n'en vole vèire la magìo...

Ame aquéli moumen descoustuma que venon viro-passa l'ordre famihé di causo, que siegue de jour o de niue.

Es coume acò, qu'un sèr, aviéu amoussa tóuti li lampo pèr m'ana jaire. Pivelado pèr l'espetacle que la niue m'óufrié, me siéu assetado, tourna-mai, sènso lume, pèr noun destourba la fèsto ; uno vido nouvello s'animavo davans mis iue, e que d'un pau, la vesiéu pas !

Lou fiò rougejo de tóuti si braso, es lou proumié de la sesoun. Li moble fan dansa li flamo sus lou lusènt de si porto. A l'autre bout de la salo, entre li ridèu, la lugano blanquejo la niue de si rebat palinèu. Doucetamen , un bahut sor de l'oumbro, couifa de soun coumpoustié quiha bèn aut sus soun pèd de brounze. Pau à cha pau, d'àutri moble lou rejougnon e impauson soun estaturo au clar que se fai à l'entour. Subre-tout, fau pas boulega, tout-bèu-just regarda …

Aro, la flamo s'enausso, bluio e fino, e vaqui lou plafoun que s'enclaro, rai blanc entre li traveto. Sa clarour fai canta lou couire di casseirolo e reviho li liquour dins si carrafo. D'àutri formo, d'àutri coulour se revelon davans mis iue esbalausi.

Cresiéu panens de counèisse aquest univers, lou mieu, dins lou mendre detai, mai vaqui que la niue, dins touto sa simplecita lou desacato, rendènt en touto causo sa formo proumiero. E touto la niue auriéu pouscu resta ansin pèr furna l'escuresino fin que de me recoustituï un mounde estraourdinàri...

E coume lou pouèto, me demandère : « óujèt inanima, avés-ti dounc uno amo » ?

                                                                                           Michello

 

              A Vedeno, lis encantamen d’uno ciéutadino(fin)

À bòudre, d’àutri raconte sus la vido de Vedeno ancian.

Trevave forço li pichot Zavroza. Me rapele soun oustau pintouresc dins la mountado dóu « bàrri », la cousino en soubat. De la fenestro durbènt sus aquesto mountado, se vesié passa li vedenen, li vièi s’arrestant à cade marchoun. Aquesto cousino basso coumoulo d’enfant, alor qu’ère souleto, m’agradavo forço. Dono Zavroza tenié à la perfeicioun si dès enfant. La vesian buta sa barioto pleno de linge jusqu’au lavadou. Un infime detail m’es toujour demoura : Lou gilet d’un de si drole sarra pèr uno moulounado de boutoun desparaia de tóuti li coulour, troubave acò estra !

Vole aro evouca mant’un « banc di vièi » : Lou banc di « Medé » davans l’oustau de la prèsso ; mai subretout lou mai celèbre (apela tambèn «  muraioun di plang ») davans l’oustau de l’age tresen, davans lou lavadou ( exclusivamen masculin).

Dins la pountanado que i’avié pas lou « marrit fenestroun », aqui se refasié lou mounde, aqui anavon bon trin basarutage e àutri maudisènço…mai sènso óublida li coumèntàri plèn d’uiado lipeto d’aquélis ome (pamens bèn vièi à mis iue) après lou passage d’uno « poulido femo » . D’aquel tèms, lis amavon poupudo !

Pèr demoura dins la couiounado, mai pulèu dins lis annado sieissanto : Aviéu, carriero dóu « Poulit camp », uno jouino lougatàri bèn bastido que fasié regularamen sa teileto davans sa fenestro duberto, bèn vesiblo de la carriero. S’èro alor crea un nouvèu banc di vièi, que à l’ouro dounado, s’istalavon coume à l’espetacle (auriéu degu faire paga !).

Acabarai en evoucant uno persounalita de Vedeno : Louis Perraud.

Louis Perraud disènt dóutamen : « Li proumié fre soun pas li mai caud », ai vist mai d’un entreparlaire demoura mut un moumen avans de rire en se rendènt comte de l’asenado voulountàri de la fraso…

                                                                Michello Ourson

Lou Tour de Franço

Le Tour de France

Quand aguère quatorge an, moun paire me coumprè, encò d’un felibre avignounen, qu’avié un boutigoun sus la plaço di Carme, un velò flame nòu que faguè bada d’amiracioun tóuti li droulas de Vedeno. Dóu matin au sero, i’ère dessus. Cènt cop pèr jour, travessave lou païs à brido abatudo, escoumenja pèr li menagiero qu’avien encaro ges vist d’autò e que se cresien de pousqué travessa la Grand Carriero sènso se soucita de se quicon venié o noun. Bèn lèu, d’àutri gadaias aguèron tambèn sa biciéucleto. Lou sero, nous retrouvian tóuti, davans la Posto. Ourganisavian de courso autour dóu vilage qu’avien pèr efèt d’escalustra li galino e de faire brama li gènt. Rèn que dins Vedeno, i’avié de que recoustituï tout lou Tour de Franço. Dóu coustat de Sant-Saturnin, es clot. Li jour de cagno, partian sus lou camin di Plano. Sènso nous endemounia, barrulavian long di vigno dóu Grand Plantié e pèr faire coume li courrèire dóu bon, manjavian noste courchoun de pan e noste choucoulat tout en pedalant e en garcejant. Nous entournavian dóu camin dóu Moulin, pèr arriba tournamai, dins un « esprint » redoutable pèr li gènt dóu rode, davans la Posto. Mai à coustat d’aquéli permenado, i’avié lis estapo de mountagno. Se partié dóu Pelican, un quartié que s’atrovo au bas de Vedeno. Mountavian fin qu’à la crous que s’aubouro à l’intrado dóu vilage quand venès d’Avignoun. Davalavian mai fin qu’à la Grand-Carriero e, d’aqui, après quàuqui bescountour suplementàri, abourdavian li « Gigant dis Aup ». S’agissié, en realita d’un carrieroun que se ié disié « La Gargueto », qu’anavo de la Grand Carriero à la glèiso e qu’escalavo soude. Dreissa sus nòsti sello, en remenant lou quiéu coume l’avian vist faire i courrèire de proufessioun, tenian tout e n’i’avié toujour un de mens adré que lis autre o de mai maladré que venié fini dins un roudelet de femo, tranquilamen assetado davans si porto, en trin de sarci de debas. Quéti bramadisso ! Entende encaro si voues bouniasso se desgargamelant tant que poudien sènso pèr acò nous treboula lou mens dóu mounde. Countuniavian nosto ascencioun encouraja pèr un publi imaginàri que picavo di man à nosto valentié d’escaladaire. En aut, coume i’avié uno font, sèmpre pèr faire coume li proufessiounau, nous arrestavian pèr bèure e rempli nòsti boutiho de ferre blanc. E zóu mai ! De la glèiso, un carrieroun encaro mai rede que la Gargueto davalavo de-vers la Tourre dóu Reloge. Nous jitavian dins aquéu degoulòu. Coume arribavian en bas, entié ? Me lou demande. Basto , erian de cifèr e dins li boutigo, se parlavo que de nautre. Reinié Jouveau       Revengudo de casso Ère bèn pichot. Moun Grand s’èro entourna de la casso e avié pausa sus la taulo tres tourdre que venié de tua . Nous countè que s’èro encamina tout lou matin sènso rèn vèire : Ges de lebre, ges de feisan. Coumençavo à desespera. E vaqui que subran se troubè, à la sourtido d’uno vigno qu’avié lounja long d’uno sebisso d’aut ciprès, davans un aubre mort amé cinq tourdre pausa sus uno memo branco. Se li poudiéu tóuti tua, se diguè ? Visè, tirè e n’en tuè tres. Se virè alor vers iéu e me diguè : « Tu que vas à l’escolo e que sabes bèn coumta, quant d’aucèu demouravon sus la branco ? Èro facile ; i’en avié cinq e n’en tuè tres. Respoundeguère sènso mai calcula : «  Dous, papet ». «  Eh ! noun, grand bedigas ! Degun ! bord que se soun envoula ».

Quand j’eus quatorze ans, mon père m’acheta, chez un félibre d’Avignon, qui avait une petite boutique sur la place des Carmes, un vélo flambant neuf qui faisait ébahir d’admiration tous les grand- garçons de Vedène. Du matin au soir, j’y étais dessus. Cent fois par jour, je traversais le pays à bride abattue, excommunié par les ménagères qui n’avaient encore point vu d’auto et qui croyaient pouvoir traverser la Grand Rue sans se demander si quelqu’un venait ou non. Bientôt, d’autres grands nigauds eurent aussi leur bicyclette. Le soir, nous nous retrouvions tous, devant la Poste. Nous organisions des courses autour du village qui avaient pour effet d’effrayer les poules et de faire crier les gens. Rien que dans Vedène, il y avait de quoi reconstituer tout le Tour de France. Du coté de Saint Saturnin, c’est plat. Les jours de chaleur, nous partions sur le chemin des Plaines. Sans nous endiabler, nous roulions le long des vignes du Grand Plantier et pour faire comme les coureurs véritables, nous mangions notre quignon de pain et notre chocolat tout en pédalant et en nous amusant. Nous revenions par le chemin du Moulin, pour arriver à nouveau, dans un « sprint » redoutable pour les gens du pays, devant la Poste. Mais à côté de ses promenades, il y avait les étapes de montagne. On partait du Pélican, un quartier qui se trouve au bas de Vedène. Nous montions jusqu’à la croix qui se dresse à l’entrée du village quand vous venez d’Avignon. Nous descendions à nouveau jusqu’à la Grand-Rue et de là, après quelques détours supplémentaires, nous abordions les « Géants des Alpes ». Il s’agissait, en réalité d’une petite rue qu’on appelait « La Garguette » qui allait de la « Grand-Rue » à l’église et qui grimpait raide. Dressés sur nos selles, en remuant le cul comme nous l’avions vu faire par les coureurs professionnels, nous tenions tout l’espace et il y en avait toujours un de moins adroit que les autres ou de plus maladroit qui venait finir dans un petit groupe de femmes, tranquillement assises devant leurs portes, en train de repriser des bas. Quels cris ! J’entends encore leurs voix bonasses s’égosillant tant qu’elles pouvaient sans pour cela nous perturber le moins du monde. Nous continuions notre ascension encouragés par un public imaginaire qui frappait des mains à notre activité de grimpeur. En haut, comme il y avait une fontaine, toujours pour faire comme les professionnels, nous nous arrêtions pour boire et remplir nos bouteilles en fer blanc. Et à nouveau ! De l’église, une petite rue encore plus raide que « La Garguette » descendait vers la Tour de l’Horloge. Nous nous jetions dans ce précipice. Comment arrivions-nous en bas, entiers ? Je me le demande. Bref, nous étions des diables et dans les boutiques, on ne parlait que de nous. René Jouveau   Retour de chasse J’étais bien petit. Mon grand-père était revenu de la chasse et avait posé sur la table trois grives qu’il venait de tuer. Il nous raconta qu’il s’était promené tout le matin sans rien voir : pas de lièvre, pas de faisan. Il commençait à désespérer. Et voici que soudain, il se trouva, à la sortie d’une vigne qu’il avait longée le long d’une haie de hauts cyprès, devant un arbre mort avec cinq grives posées sur une même branche. Si je pouvais toutes les tuer, se dit-il ? Il visa, tira et en tua trois. Il se tourna alors vers moi et me dit : «  Toi qui vas à l’école et qui sais bien compter, combien d’oiseaux restaient-ils sur la branche ? » C’était facile ; Il y en avait cinq et il en tua trois . Je répondis sans plus calculer : « Deux, papet ». « Eh ! non, grand nigaud ! aucun ! car ils se sont envolés ».   Michèu

Lou journalet dóu Pont de Garanço N°48 Janvié2016

Bèu tèms pèr li Rèi, Granierado de blad.

Pèr n'en feni ( pèr lou moumen...) emé Fabre...

2015, annado de counmemouracioun dóu centen anniversari de la despartido de Fabre, fuguè pèr iéu uno bèn bello annado. Tres espousicioun e nòu counferènci pèr faire lusi l'obro e l'engèni dóu saberu de Serignan. Ai fa lou rescontre d'un fube de gènt apetuga coume iéu pèr la persouno de Fabre, e avèn agu de plesi à n'en parla. Me siéu tambèn avisade que i'avié proun de mounde que lou couneissien pas, e demié li que n'avien ausi parla, mant un couneissien pas la drudesso de soun

obro. E de fiéu en courduro, ai tambèn après un fube de causo sus èu.

En 2016, i'a encaro 3, vo belèu 4 counferènci de previsto. E après ? Crese que li causo s'arrestaran pas aqui ; i'aura encaro de vesito à l'armas, qu'aurai lou plesi d'acoumpagna. Semblo que d'ùni l'an vertadieramen descubert dins la coumpleissita e la diversita de soun obro, e qu'aquéli van countunia de lou legi e d'espandi si couneissènço. Belèu que fenira pèr èstre un pau mai couneigu dins noste relarg! Quouro ai coumença d'alesti lis espousicioun, ai souvènt pausa la questioun, en màntis óucasioun : « De qu'es pèr vous lou noum de Fabre ? » Qàuquis-un me respondeguèron : « es lou noum d'un licèu de Carpentras » e meme, me creirés-ti, dins aquèu licèu, n'ia proun que lou couneissien pas. Quàuquis-un, mai assabenta, sabien qu'èro entoumoulougisto, mai n'ia gaire que n'en poudien dire mai. Dins un coulège d'uno viloto toucant Nanto, un proufessour de « SVT » ( aro se dis « sciènci de la vido e de la terro ») pausè la questioun à sis escoulan. « Couneissès-ti un

boutanisto qu'a forço erbourisa subre-tout dins lou miejour de la Franço ? » E siguère fièro d'aprendre qu'es moun felen Benezet que respondeguè : « Dono, es Jan-Enri Fabre » ! Segur que soun proufessour lou bèn-astruguè, e iéu tambèn ! D'efèt, Fabre fuguè peréu un grand boutanisto ; erbourisè un tèms emé Esperit Requien en Corso, pièi, à n'Avignoun emé Stuart Mill. A acampa de milié de planto : i'avié, dins soun gabinet de travai, de liasso e de liasso d'erbié quihado subre sis armàri de couleicioun, que aro soun servado au Museon Naciounau d'Istòri Naturalo, leva d'uno, que Fabre óublidè au museon Requien quouro fuguè demés de soun poste de Counservatour. Es aquelo liasso qu'ai agu la chanço de pousqué faire foutougrafia pèr mis espousicioun. E pèr acaba sus aquèu prepaus, i'a dins Ventour, uno planto que soun noum es « Nivéole de Fabre ».

Crese que vous ai proun parla de Fabre, que belèu n'avès vostre proun e que me legissès plus...

Mai, belèu qu'en 2023, se siéu pas à Santo Repausolo, festejaren lou segound siècle de sa neissènço ...

Michello

 

Lou Dardar vóu lèu saupre !

« Nous sian amusa pendènt li vacanço à faire de divisioun pèr vounge. Avèn verifica amé mi felen e feleno que ta metodo pèr saupre s’un noumbre es un multiple de vounge marchavo. N’en sian encaro estabousi e nous parèis bèn misteriouso » diguè lou Dardar que n’oublidè de saluda soun coulègo jardinié.

« Vas vèire ! Es facile ! tout s’esplico, respoundeguè lou jardinié biaissu. Te lou vau esplica sus un eisèmple. Prenen pèr eisèmple lou noumbre 478a e assajen de trouba pèr qualo valour de a aquel noumbre es un multiple de vounge.

Pèr acò, fau pas óublida que :

478a = a + 8.10 + 7.100 + 4.1000

Mai :

10 = 11 – 1

100 = 9.11 + 1

1000 = 91.11 – 1

Ço que douno :

478a = a + 8.(11 – 1) + 7.(9.11 + 1) + 4(91.11 – 1)

Que s’escri tambèn :

478a = a + 7 – 8 – 4 + 11.(8 + 7.9 + 4.91)

Ansin, 478a es un multiple de vounge se (a + 7 - 8 - 4) es un multiple de vounge ; retrouban aqui la metodo que t’ai dounado dins lou numero 47 dóu journalet.

La respounso à noste proubleme es dounc :

a + 7 – 8 – 4 = a – 5 es un multiple de vounge se a = 5, car 0 es un multiple de vounge. »

« Mai, i’a rèn de misterious ! » respoundeguè lou Dardar tout estabousi.

Michèu

Li farcejado dóu « Badin »

« Badin » èro un escais-noum que i’avien trouba lis enfant « Jano-Mario, Martino e nàutri tambèn : Soun noum vertadié èro « Bernadin » ; Pendènt un certan tèms, travaiè dins l’esplecho familialo ; èro un bon vivènt toujour lèst à faire de farço.

Un jour, uno tèsto d’ ourse empaiado se troubavo dins la court ; aguè alor uno idèio luminouso : Lou vese encaro en trin de ié bouta un manchoun de bos e me diguère alor qu’anavo faire uno farço. Poudavian la vigno à la mountagno ; lou vaqui que s’en vai à la vigno au dessus de la de «  Rosano » aro e que planto la tèsto de l’ourse au mitan d’uno renguiero de vigno à pourtado de fusiéu. Di feisan èron esta lacha la vèio, perèu, li cassaire èron noumbrous. Dins la journado, mai d’un larguè si ploumb sus la bèsti ; lou « Badin » s’esclafavo de rire ; li cassaire encoucourda replaçavon la tèsto avans de reparti ! Li seguènt countuniavon de tira e ansin touto la journado !

Un autre cop, avié trouba dins la remeso uno pèu de lapin : Lou « Badin » l’emplenè de plumo blanco e après l’agué courdurado, boutè lou lapin ansin recounstituï, dins uno mato d’erbo à la « Loureno » au pèd d’un óulivié. Vese encaro la tèsto dóu cassaire que tirè dessus.

Es aro plus d’aquel mounde, mai gardèn uno bono image d’aquel farcejaire.

Andriéu

A Vedeno, lis encantamen d’uno ciéutadino(seguido)

Eisistavo tambèn uno segoundo «  tata Mario » sor de moun Grand paternau, la que n’óucupe aro l’oustau.

Aquesto Mario ié disien « de la plaço » e soun oustau, souvènt «  l’oustau dóu bon Diéu » bord que ié intravo lou que voulié ; sufisié, coume si coupino e àutri counèissenço, de crida bèn fort « Hòu !, hòu ! Mario » e de buta la porto à mousco…

Li « Médé », ansin apela car soun fraire ié disien « Amedé », si pròchi vesino que tenien à tres vièii fiho lou burèu de taba-marchand de journau, se n’en privavon pas…e regulieramen, en proucessioun, li bras carga de banasto, ié venien pèr estèndre si faudau, camisolo e àutri gràndi braio au founs dóu jardin.

Jardin, èro forço dire ; d’aiours, ié disien « la court de darrié » que se i’espandié, maïstralamen uno sueio, decentamen cuberto de paio sus sa loungour, mai pamens !

Li « liò » éli-meme, rudimentàri, me ravissien car li paret èron ournado d’iscripcioun e charmàanti mascaraduro, que sa significacioun m’escapavo. Coumpreniéu pas li souspir de ma maire…

NB : Ma tanto lougavo uno partido de soun oustau au fabricant de moble «  Olivier » e lis « artiste » èron lis oubrié…

Aquesto tanto Mario tenié « Li Do Vauclusien », charmanto pichoto espiçarié de vilage : Uno banco à l’anciano, de grand casié emplena de cese, lentiho, faiòu…

Li vièii ié coumpravon « un pichot souisse », uno « miejo eito de froumage blu »….

La seguido, lou cop que vèn

Michello Ourson

E vaqui uno poulido carto de vot escricho en quatre lengo!

 

                       

D’aquéu coustat: russo e japounès….

                        

E d’aquéu, francès e…prouvençau!

Me fuguè mandado pèr l’ami japounès que vous ai counta dins lou tèste “ un bèu rescontre”.     Michello

Qàuqui bèu moumen de l’annado 2015

                                         

Febrié 2015 emé lou Roudelet Voucau de

             Parlaren Bedarrido                                   

 

 

                              Au mes de Jun emé li galejaire dóu Tor      

                 

 

SEPTEMBRE 2015: En visite chez Jean-Henri Fabre

 

 

 

 

 

                Décembre 2015: Les 13 desserts au Lavoir               

            

Lou journalet dóu Pont de Garanço N°4 6 bis: Óutobre s'es fa Óublida ! Óutobre 2015

                                        Un bèu rescontre...

Lou quatorge d'Avoust, s'érian fissa rendès-vous davans lou Palais dóu Roure, en Avignoun. A tres ouro picanto dóu tantost, li vese arriba. Èu, l'ai recouneigu sènso peno, èro lou soulet japounès de l'endré. Risoulet e avenènt, sa mouié un pau crentouso ( Èlo, ei Russo de Siberìo), me semblavo que nous couneissian despièi de long-tèms. Pèr estaca lou bout, avèn parla de Fabre, qu'es en èu que devèn de se rescountra, e pièi, fau dire qu'eilabas, au Japoun, an pèr èu uno vertadiero veneracioun. Dins sis escolo, estudion toujour de tèste que Fabre escriguè i'a d'acò aperaqui cènt cinquanto an. A Tokyo, an fa un museon bateja « L'oustal del Felibre di Tavan » ounte an reproudu lou dedins de l'oustau meirenau de Fabre à Sant Leoun. E ço que m'a lou mai pertoucado, es d'aprendre que moun vesitour, proufessour de Francès à l'universita de Tokyo, es apassiouna pèr la lengo nostro ! Quouro faguè sis estùdi de Francès, à z'Ais, trevavo la librarié « Le Blason » pèr ié croumpa de libre prouvençau. Es coum'acò que rescountrè un de mis ami Félibre que l'endraiè devers lou Félibrige. E vague de charra de tout acò, de Fabre e dóu prouvençau...un chale ! Mai, sabe que vous demandas lou perqué d'aquèu rescontre... Au mès d'Abriéu, en legissènt la revisto dóu Felibrige, ai descurbi un tèste que soun titre m'agradè : « Jan-Enri Fabre, lou Felibre lou mai couneigu di japounés », signa de Segne Shunsuke Nakata. L'ai legi e relegi em'interès, amor qu'ère en trin d'alesti uno espousicioun pèr la counmemouracioun dóu centen anniversàri de la despartido de Fabre, e que justamen vouliéu parla dóu raiounamen de Fabre dins li païs fourestié, e subre-tout au Japoun. Alor ai demanda au Majourau Courbet que n'avié fa la reviraduro en prouvençau se poudiéu emplega aquèu tèste ; me diguè que falié perèu demanda à l'autour, e me baiè soun adrèisse. Es coum'acò, bono-di noste grand saberu Fabre, avèn decida de se rescountra pèr n'en charra. Vaqui coume li cause soun arribado. E vous pode dire que despièi qu'ai coumença aquéu travai d'espousicioun sus Fabre, ai rescountra quàuqui persouno estraourdinàri, que sian devengu ami . Pèr reveni à noste jouine felibre japounès, au siéu, avié coumença de legi li pouèto prouvençau tradu en japounès ; à z'Ais, aprenguè lou prouvençau, e aro, es urous que noun sai de pousqué legi nosto bello literaturo prouvençalo dins sa grafìo d' óurigino. A legi Mistral, d'Arbaud, Roumanille et d'àutri encaro. Aro, a lou proujèt de revira « Lis oubreto dóu Felibre di tavan » en japounès pèr li faire counèisse eilabas ; e siéu seguro qu'acò fara mestié pèr countunia d'espandi l'obro de nostre saberu. E tout en charrant de tout acò, fuguè bèn susprès d'aprendre qu'eici, li gènt desdegnon un pau nosto lengo, que n'ia gaire qu'an envejo de l'aprendre e de resta embuga de nosto culturo prouvençalo, d'ùni meme la mespreson, ié viron l'esquino, coume se n'avien vergougno! ; sabon pas qu'es un tresor, qu'un pau de pertout,dins lou mounde, i'a de gènt que nous l'envejon ? Après aguè vesita lou Roure dins lou detai, se sian separa en se disènt que se retroubaren l'an que vèn pèr la Santo Estello de Niço, e qu'en seguido d'acò vendran pèr quàuqui jour à l'oustau, lou tèms d'ana vesita l'Harmas, lou castèu de Fonsegugno, la Font de Vau-cluso,e tambèn l'ermitage de Sant Gens, tant de liÒ que n'en a legi l'istòri e que ié fai gau de descurbi. Acò es pèr iéu uno poulido istòri, e siéu mai que mai urouso d'aguè fa aquéu rescontre, e de me dire qu'à l'autre bout dóu mounde, i'a de gènt qu'amon la lengo nostro, la lengo de mi rèire, que n'an senti sa bèuta, sa richesso e sa pouësìo . E me dise qu'au mèns, se venié, eici, à s'avali, i'aurié belèu, eilabas un fougau pèr la sauva.

A Sant Savournin lou 6 d'Óutobre 2015             Michello

Lou journalet dóu Pont de Garanço N°48 : Desèmbre 2015

Desèmbre trop bèu, dins l’aigo l’estiéu.

Mercredi 1,2,3,4, 5eme botte de paille et le voilà près de la lucarne. L’air du dehors vient rafraîchir l’odeur de miel chaud, de fleurs sèches qui emplit la grange Il s’est assis là. Comme quand il était môme. L’agilité en moins… De là-haut il aperçoit la ferme des Thibaut, celle d’après.Et par delà, le grand champ de maïs Quelques épis, plus audacieux ont l’air de caresser la cloche du campanile qu’on devine derrière. Après les moissons les premières maisons du village sortaient de leur résidence d’été Elles s’imposaient entre les arbres déshabillés par l’automne A ce moment là , seulement, il pouvait apercevoir le chiffon blanc Petit morceau de tissu épinglé à la ficelle qu’il devinait. Celle qui barrait la fenêtre de Louise. Quelques fois. Quelques fois, de loin, le signal. Jeudi Dehors tas de bois brun sous tas de nuages gris, floutés par la poussière agrippée au fenestron de l’atelier Sur l’antique établi des outils languissent. Ceux à l’acier plus brillant, au manche de bois pâle cherchent à racoler la main Daniel caresse les plus anciens. Là où la main du père s’est cornée, patinant le bois, façonnant son empreinte ; Il cherche à y placer la sienne 4 doigts repliés ,collés serrés, le pouce par dessus, le poignet hésite va et vient sur la pierre. Ranimée, la lame retrouve de l’éclat… Vendredi L’atelier. Encore. Il n’a pas fait le tour La chaise, la paille en goguette , l’accueille en couinant. La vieille ampoule jaune s’égoutte au bout du fil tressé. Lampe de fortune éclairant de nouveaux souvenirs Le père est là, dans ce halo tiède, penché sur de petits bouts de bois qu’il façonne. Ronds ou carrés , il découpe cisèle, rabote ou râpe. Depuis, un pinceau, prisonnier d’un vieux pot où la colle a noirci, côtoie un crayon gris. Celui habillé de rouge, presque plat, la mine grasse, celui qui planait souvent, coincé sur une oreille. C’est là qu’est né le petit avion d’un St Exupery, au milieu de copeaux. Après l’oiseau, la petite vache, , une chaise en miniature et bien d’autres objets. Comme autant de moments de repos et de rêveries autorisés Samedi Déjà... Daniel appuie sur le petit téton bakélite de l’interrupteur de porcelaine, la porte gémit La visite est terminée.N'oubliez pas... Chantal

Dimecre 1,2,3,4,5enco balo de paio e lou vaqui proche dóu fenestroun.L’èr dóu deforo vèn refresca l’óudour de mèu caud, de flour sèco qu’empleno la granjo. S’es asseta aqui. Coume quouro èro nistoun, lou lestige en mèns... D’en-aut, póu vèire la borio di Thibaut, la d’après, e dela, lou campas de maïs. Quàuquis espigo , mai asardous, an l’èr de calineja la campano dóu clouchié que se devino darrié. Après li meissoun, li proumiès oustau dóu vilage sourtien de si residènci d’estiéu. S’impausavon entre lis aubre desvesti pèr l’autouno. A n’aquel moumen soulamen, poudié apercebre l’estrasso blanco. Pichot retaioun de teissut espinga à la courdeto que devinavo, la que barravo la fenèstro de Louiso. Quàuqui fès ? Quàuqui fès, de liuen, lou signau. Dijòu Deforo, mouloun de bos brun souto mouloun de nive gris, afadouli tras la pousco arrapado au fenestroun de l’ataié. Sus l’anti taulié, d’óutis se languisson. Li de l’acié mai lusènt,dóu margue de bos pale cercon à racoula la man. Daniè caresso li mai ancian. Aqui ounte la man dóu paire se soun couissinado, patinant lou bos, gaubejant soun emprento ; cerco à ié bouta la siéuno. Quatre det replega, pega sarra, lou pouce pèr-dessus, lou pougnet patetejo, vai e vèn sus la pèiro. Ravivado, la lamo retrobo sa trelusido… Divèndre L’ataié. Encaro. A pas fa lou tour La cadiero, la paio en poumpeto, l’aculis en quilant. La vièio ampoulo jauno s’esgouto au bout d’un fiéu trena. Lume de fourtuno ensouleiant de nouvèu souveni Lou paire es aqui, dins aquel ciéucle caudinèu, clina sus de pichot bout de bos que gaubejo. Round vo carra, descoupo, escaupro, rabouto vo raspo. Dempièi, un pincèu, prisounié d’un vièi pot que la colo i’a negreja, coustejo un craioun gris, lou abiha de rouge, quasimen plat, la mino grasso, lou que planavo souvènt, quicha sus uno auriho. Es aqui qu’es na lou pichot avioun d’un Sant Expéry, au mitan de frisoun. Après l’aucèu, la vaqueto, uno cadiero en miniaturo e bèn d’àutris óujèt. Coume autant de moumen de repaus e de pantai autourisa. Dissate Deja..Daniè quicho sus lou pichot pessu de bakelito dóu boutoun de pourcelano, la porto gemis La vesito es acabado. óublidas pas !… Chantal

 

Autour de la chaminèio

« Vounge ouro ! lou reloge dóu casse-rimbau vèn de pica. Vuei, sara mai un jour de soulèu. Vas passa li fèsto nadalenco en famiho ? » demandè lou jardinié biaissu à soun coulègo Dardar.

« Vo. Ame subretout la vihado de Nouvé. Sian tóuti acampa autour de la chaminèio e li felen espèron amé grando impaciènci que ié counte quàuquis istòri. Es un moumen que me fau pas manca : Sènso lou saupre, s’embugon ansin dóu païs, de soun istòri e de sa culturo. Ié parle de sis àvi, de soun travai e me sèmblo ansin li faire renaisse lou tèms d’uno serado. Fau ço que moun Grand fasié quouro ère jouinet e n’en siéu tout trefouli» respoundeguè lou Dardar.

« As rasoun ! Amé lou « marrit fenestroun », aquéli serado se fan de mai en mai raro ; e de-que dire di « tauleto » e àutris óutis eleitrouni que ié rousigon lou tèms e la cervello ? D’escouta si rèire parla de soun tèms, de si gènt ourmejo li jouine à sa terro ; fau vèire coume soun estoumaga quouro ié dise que moun Grand fasié lou tour dóu vilage amé soun toumbarèu pèr acampa lis escoubiho dis estajan » faguè lou Dardar un téms impourta dins soun enfanço.

« Amé si maquino à calcula, sabon plus faire de multiplicacioun e encaro mèns de divisioun. Bord que si serado soun magico, ié poudras faire descubri la magio di matematico en ié prepausant aquel proublème : Demando ié de causi un noumbre forço grand en l’escrivènt sus un papié ; ié poudras alor demanda se lou noumbre escri es un multiple de 11 ? » prepausè lou jardinié biaissu.

« Lou pode pas faire, bord que counèisse pas la respounso » apoundeguè lou Dardar.

« T’esplicarai la rasoun lou prouchan cop pèr ié garda un tèms soun mistèri, repliquè lou jardinié biaissu. S’an chausi lou noumbre abcefg, sufis de verifica que lou noumbre (a+c+f)-(b+e+g) es un multiple de 11.

Eisèmple : 14729 es un multiple de 11 bord que (1+7+9)-(4+2) = 11

Ié poudras demanda tambèn pèr qualo valour de a lou noumbre 1a375 es un multiple de 11. Tout acò li pòu óucupa pendènt un certan tèms e belèu lis amusa.

Aro vèn de pica douge ouro. Nous fau pas espera de rintra se voulèn pas recebre vounge cop d’escoubo!”

Michèu

A Vedeno, lis encantamen d’uno ciéutadino

Dins lis annado 40….45

En proumié souveni dóu “Chivau Blanc” que i’anavian prene nòsti repas dins la famiho de Marc Ourson. L’ouncle Leounce, lou patriarco, presidavo la taulado, emperiau.

Nous tenien dins la remiso ; dins la pilo, l’aigo coulavo sènso relàmbi, refrescant meloun e boutiho de cartageno.

Ma Grand-tanto presentavo un meloun à soun ome que lou dubrié e lou tastavo dóutamen…S’èro pas perfèt, d’uno bello voulado, toujour asseta, lou mandavo au porc que roudavo dins la court. Ere pertoucado.

Toucant la remeso, se troubavo la croto e dins aquelo croto magico, de bèu rasin «  Dattié » capela d’un cachet de ciro, èron pendoula, esperant lis agapo de Nouvé. Mai subretout, aqui, se troubavo la tino que se ié caucavo lou rasin de vin….enebriant.

Quouro lou tèms èro mai fre, demouravian dins l’oustau, e aqui, ravimen dins la cousino : un vertadié fournau que la Tanto Mario se i’afanavo davans, cousiniero acoumplido mai incapablo de detaia uno receto : èro la cousino suculènto…mai empirico ! E dins aquelo cousino, passave de moumen requist à bada li mousco que s’agroumelavon sus lou papié en espiralo pendoula au voutin ! Autre fenoumène interessant à mis iue d’enfant : A uno epoco que l’esterilisacioun èro pas fourçamen bèn menado, èro uno joio de vèire peta à la duberturo forço boutiho de pichot pese ; fiò d’artifice dins la cousino !

Prenien li repas famihau dins la salo de manja e moun inmenso joio èro, lou dessèr vengu (entre-mès franco-russo), de revira moun assieto segound l’usage loucau…De retour à Lioun, coumpreniéu pas gès perqué ma maire, brutalamen,m’interdisié aquesto pratico.

Autre moumen magi : lou que la serado s’esperloungant, m’endourmiéu sus lou radassié, tout proche de la taulado, bressa pèr li charradisso di grand..de mai en mai inausiblo…

La seguido, lou cop que vèn

Michello Ourson

Quouro manjavo dins mi dès an

Quouro manjave dins mi dès an, lou dijòu, jougavian dins li terro à Santo Ano ; èro aqui que moun paire amavo travaia : De persouno venien acampa de liéume de sasoun, de poumo d’amour, d’ensalado, de pichot pese emai de cougourdeto, faiou e tartifle.

Jougavian en bourduro dóu terren de Carbounèu que ié passavo un grand valat que sis aigo bagnavon li liéume e li prat.

Uno figuiero avié espeli en bourduro juste davans lou pont de l’intrado.

Un jour, aguère la bono idèio de moustra à moun coulègo coume uno grosso cano èro soulido. L’ai boutado pèr acò au mitan dóu valat plen d’aigo ; me gardère bèn de ié quicha dessus e ié demandère de testa sa soulideta en prenènt apiejo dessus ; lou paure s’èisecutè ; la cano roumpeguè e patatra, moun ami cabussè de mourre bourdoun dins l’aigo. Me siéu facho rampela e la maire dóu coulègo l’empourtè à soun oustau au Pous de la Crous à Vedeno, pèr lou chanja e ié bouta de vèsti se.

Jano-Mario

Un fatour bèn-ama,

uno retirado bèn-gagnado en 1984

I’a quàuqui tèms déjà que Segne Lucian Delon fatour dins nosto coumuno prenié sa retirado « sènso tambour nimai troumpeto ». Lucian avié travaia dempièi 39 an ; a calcula ue si virado i’avien fa faire 197524 km, i’avien fa usa 28 pairo de caussaduro, 15 biciéucleto, 3 soulex, 38 pneu e 17 casqueto : Queto precisioun moussu lou fatour !

Pèr ié souveta uno bono retirado, fuguè publica à sa demando aquel pouemo coumpausa tout esprès pèr soun ami, Marco Ourson, bèn counèigu dins noste vilage : 

« Tu arrivas sans trompette,

Tu partis sans trompette ;

Dans ta vie une seule chose compta,

C’est que quoi qu’il arriva, le courrier passa.

Comme dans la fable le coche et et la mouche,

Jamais contre les intempéries tu ne fis la fine bouche.

Tu portas le courrier sur des chemins détrempés,

Où tu laissas ton bonnet et ton vélo et tes souliers.

Tu fus même mordu par des chiens déchaînés

Qui auraient préféré de la pitance à ton courrier.
Puis la retraite arriva et tu t’en allas

Toujours sans tambour ni trompette

Tu partis discrètement sur la pointe des pieds

En sachant toutefois que ton travail était fait.

Et d’autres que toi suivront ton sillage

Mais nous sommes contents que tu restes au village
J’aurais aimé écrire ces quelques lignes en prose

Mais dans le fond c’est la même chose ;

Ami facteur, ami Lucien, j’ai voulu écrire ces quelques mots,

Pour que tu saches qu’à Vedène, il n’y a pas que des sots ! »

                                 Tèste prepausa pèr Andriéu

Li trege dessèr !

N'i'a proun que creson qu'aquelo tradicioun de servi trege dessèr pèr lou gros soupa de Nouvè es uno vièio tradicioun que sa coumençanço se perd dins lou treboulun dis siècle ; alor vous dirai de vo e de noun !

De noun amor qu'es la mai mouderno de nòsti tradicioun calendalo, e de vo pèr-ço-que deja au siècle 16èn se manjavo de fru à la fin dóu gros soupa. Encò di judiéu sefarado e di grè, se poudié trouba uno moulounado de douçour pèr lou soupa de Nouvè. A la fin dóu siècle 19èn e la debuto dóu 20èn, lou noumbre di dessèr calendau es pas quantifica, es chanjadis segound li rode, e dins Prouvènço touto, se pòu denoumbra au mens cinquanto cinq especialita diferènto. Pèr dire lou verai,

aquelo tradicioun s'es amagestrado pau à cha pau dins lou debana dóu siècle 20èn.

Es en 1683 que fuguè estampa ou proumié libre que retrais lis us marsihès ; es escri pèr Francès Marchetti, capelan de la glèiso de Marsiho ; Se ié parlo que de quàuqui fru se. Mai au contro, dis qu'es de coustumo de dispausa sus la taulo calendalo trege pan : douge pichot pèr lis Aposto, e un mai gros, lou pan dóu Segnour.

A la fin dóu siècle 19èn, lou Comte de Villanovo de Bergemont fuguè carga de faire lou repertòri di coustumo regnanto dins nosto regioun. Es ansin que fuguè descricho pèr lou proumié cop, la coumpousicioun dóu gros soupa emé si « calenos » vo « calendo », dessèr mai o mens ufanous segound l'eisanço di famiho.

Emé l'avenimen dóu Felibrige, un fube d'escri sus li tradicioun prouvençalo van countribuï à sacralisa tóutis aquéli pratico.

Lou proumié cop que se vèi menciouna l'usage di trege dessèr, es en 1926, dins lou libre de Marìo Gasquet « Uno enfanço prouvençalo » :

- « Lou dessèr! se ié travaio despièi de mes, i dessèr ! N'en fau trege ; trege sieto de lipetarié ! Douge que countenon li proudu de l'oustalado, e la tregenco, forço mai poulido, emplido de dàti, pausado en poumpo davans lou mèstre, en souveni dóu datié que penjè si grapo i labro de la Vierge, un sèr de lassige, sus lou camin d'Egito. Se marco i dous tresor d'Óurient, uno amistadouso deferènci. »

Bono-di quàuquis escrivan etnougrafe, sabèn qu'aquelo moulounado de douçour ounte segnourejon lou mèu e la frucho seco, se retrobo dins manto tradicioun à l'entour de la mar Nostro, dins lou debana d'aquelo pountanado, e tambèn encò dis armenian de Marsiho que fèston Nouvè lou 6 de Janvié.

Aquelo aboudànci de dessèr marco la prousperita de l'annado à veni. Demié tóuti li douçour requisto de Nouvè, vènon d'en proumié li pachichoi, valènt à dire li quatre mendicant : figo, nose, amelo e rasin se, proudu de la culturo terradourenco. Sa coulour retrais la di vèsti di quatre ordre mounasti : li figo pèr li franciscan, li rasin se pèr li doumenican, avelano e nose pèr lis augustin, e lis amelo pèr li carmelito. Dins d'ùni rode, es de coustumo de fourra de figo emé de nose o d'amelo ; acò se dis « nougat dóu paure, o nougat de capouchin ». Lou quatren mendicant es lou rasin se que se dis tambèn panso vo passariho ; s'agis d'un rasin blanc di gros gran que se fasié seca sus de cledo. D'àutri fru se soun apoundu i dessèr calendau : es lis avelano e lis ambricot se ; mai aperaqui au siècle 18èn, à Brignolo, avien uno especialita de prunèu, li « pistolo », avans qu'arribèsson sus nòsti taulo, li prunèu dóu sud-ouest. Noumaren encaro li dàti que fuguèron lou proumié fru eisouti qu'arribè au nostre. Aquéli fru vengu d'Africo se podon regarda coume uno

evoucacioun di Rei Mage.

Vènon pièi li fru fres, eissi de la culturo terradourenco : poumo de paradis, pero bon crestian, meloun verdau, rasin clareto vo muscat. Es un pau mai tard que lis arange e li mandarino faguèron soun aparicioun dins li rode mai escarta, mai se manjavon deja à Marsiho, vilo duberto sus li païs mieterran. Antan se manjavo perèu li sorbo, qu'à Nouvè èron bèn maduro. Aro an despareigu de nòsti taulo calendalo..

Toucant aquesto sequèlo de frucho seco vo fresco, segnourejavon de mèisse mai amagestra, coume lou gibassié vo lou nougat. Que siegue la fougasso vo lou gibassié, se devon d'èstre roumpu, coume lou Crist avié roumpu lou pan. Li coupa pourtarié malur.

Lou nougat nouma pèr Mistral coume un di mèisse sacramentau ; es lou proumié di dessèr servi pèr lou gros soupa. Lou nougat negre èro alesti dins lis oustau, emé lis amelo de l'annado e lou mèu dóu brusc.

Toucant aquélis inmancable, se pòu trouba mànti pratico terradourenco talo que li meraviho vo ganso, li cacho-dènt, li naveto perfumado à l'aigo-nafro, simboulisant la barco qu'aduguè li Santo sus la coustièro prouvençalo, e encaro, dins d'àutri rode, lou tourtoun garni de counfituro de citro ( la gigerino). Dins la Dromo prouvençalo s'alestis tambèn un tourtoun emé d'espinarc vo de fueio de bledo sucrado e garni de rasin se. Emé acò, noun fau óublida la pasto de coudoun chaplado en moussèu recurbi de sucre.

I'a pas gaire, se soun counvida sus nòsti taulo calendalo, li trufo de choucoulat, li rusco d'arange counfido, li calissoun dóu coustat de z'Ais, li fru counfit dins lou relarg d'Ate, e encaro li marroun candi. Emé tóutis aquéli lipetarié se bèu de vin cue, lou que se n'es servi pèr arrousa cacho-fiò.

Dins Prouvènço touto se pòu recensa uno bono cinquanteno d'especialita diferènto, ço que marco la varieta di pratico terradourenco.

Se, à l'ouro d'aro, li pratico se soun unifourmisado, autro-fès, calendo se festejavo pas en Prouvènço roudanenco, coume sus lou ribeirés mieterran. Nouvè èro subre-tout la fèsto de la generouseta e de l'aboudànci, li dessèr rituau, proudu terradouren serva au moumen di recordo demié li pu bèu, alestimen de meinage segound li recèto trasmesso de generacioun en generacioun, vertadièris óufrendo à la glòri de la Nativeta, an countribuï à baia en aquelo fèsto lou caratere sacra qu'a toujour à l'ouro d'aro.

                                                                               Michello

Bibliougrfìo : Brigitte Poli : Les 13 desserts Provençaux, Ed. contemporaines

Jean-Paul Clébert : Les fêtes provençales, ed. Aubanel

Frédéric Mistral : Memòri e raconte. Ed. CPM ;

Frédéric Mistral :Lou tresor dóu Felibrige.

Louis Poulain D'Andecy : Raconte à bóudre. Ed. Tourisme et

vignerons.

Jean-Henri Fabre : histoire de la bûche

               

La taulado di trege dessèr à Sant Savournin, lou 14 de Desèmbre !

 

Devinaio :

Qualo es la diferènci entre la Tourre Effel e un cigaro ?

La Tourre Effel fai mounta alor que lou cigaro fai de cendre.

Hi !Hi !Hi !Ouah !Ouah !Ouah !

Que la nouvello annado nous douno l’oucasioun de rire! N’avèn tant besoun.

Lou journalet dóu Pont de Garanço N°47 : Lou mes dis oulivado Nouvèmbre 2015

Là haut sur la colline On y a tous joué, là haut. Toi aussi tu y as joué Rappelles toi, c’était la sortie annuelle des écoles primaires, du temps où culottes et jupes courtes prenaient chacune un escalier au dessous de la sévère cloche ordonnant de s’aligner par deux. En silence, s’il vous plait ! Le porche de la cour ouvre sur la rue, salue le départ de la balade Paulinette ne ferme pas l’épicerie, même le dimanche. Elle y vit dedans avec sa belle mère et son chignon blanc. La vieille dame digne avait fait son choix à l’heure où son fils avait abandonné sa bru… Depuis ce couple de femmes tenait bon. Celui là au moins !… Les mains séchées dans le tablier, Paulinette sourire presque coquin, apostrophe les pichots bardés de leur gourde plastique blanc, qui tiedira l’eau à la menthe Raide la montée de l’église, moins que la rue Rompe qieu ! Le jeudi, les grands déboulent sur leurs chariots à roulement à bille. Et leurs cris klaxonnent Dans la rigole de droite la mère Arnaud a vidé son seau en zinc, une mousse grise surfe sur la pente avant de s’engouffrer dans l’écoulement .Son mari, c’était le charbonnier Oh, ce n’est sûrement pas elle qui a pourri la planète ! Bien sûr, le petit Ganieri a mis le pied dans l’eau !… Toi aussi tu as noyé tes chaussures dans des flaques boueuses Vers le fond du rang Remos amuse la galerie, il digère les dernieres fourmis qu’il a avalé dans la cour, après la cantine, devant des yeux ahuris et écoeurés … Ils ont agrandi le cimetière. L’ombre des grands pins caresse toujours les morts une dernière fois… Le long du mur, la colonne chuchote sur ordre. Quelques croix arrogantes dépassent, titillent la peur et le mystère dans un œil en coin qui n’ose les affronter La mort reste tabou. Elle ne s’exprime que dans la couleur d’un vêtement qui en prend pour un an, au moins… Les premiers amandiers… , des traîtres aux fruits amers . On reconnait les petits nouveaux , ils crachent une grimace au bout d’un index rigolard ! Plus loin , en contre bas du chemin, un petit « théatre de verdure ». Là, se produisaient pioche à la main, marcel de coton collé à la peau, les ouvriers de la petite carrière. De solides italiens qui n’avaient pas le choix. Scènes fracassantes d’un passé révolu On ne s’approche pas ! Péricoloso sporgersi !!! La menthe sauvage martyrisée par une trentaine de tortionnaires expire son parfum Celui du thym se rebiffe. Même révolte sous ses pieds…C’est à ce moment précis, unique, qu’Elsa se sent dans la colline. Dedans… Chaque fois, dans des ailleurs, cette odeur reconnue, la déposera là, dans son enfance … dans cet espace de jeux et d’insouciance. Assise sur une tôle rouillée, lancée sur les aiguilles sèches entre des pins redoutables,. Agrippée à la paroi de la roche trouée, hissant un cul trop lourd,... cachée dans d’approximatives cabanes de bois mort . A la traîne des plus grands…, à cheval sur un jeu de piste Longtemps ces souvenirs apaiseront de sournoises angoisses. Jusqu’à ce jour du moins. Non, je crois que tu n’y étais pas… Pas cette fois Les pieds moins dégourdis « s’embronchent » à la pierre blanc gris. Encore une grimpette après les oliviers. Ils ont gelé en 56. De leurs socles épais et noirs entrés en résistance, plusieurs rameaux avaient tenté leur chance. Renaissance. Depuis longtemps déjà Novembre était revenu secouer les petits fruits verts et… amers ! La curiosité nous l’avait enseigné ! Cà y est !. Ils vont pouvoir souffler. Gorgées à peine rafraîchissantes. Enfin s’éparpiller…, pas au delà du grand cercle de pierres, sinon… Les moins intrépides, des filles bien sûr, assises en rond, font la cour à la maîtresse Ils connaissent cette clairière, ils pique niquent tous les ans ou presque . Salade russe, escalopes panées ou poulet froid, chips…et surtout chocolat…Le chocolat de Pâques ! Le Lundi de Pâques ! L’autre fête du village !. Tout le monde grimpe, armé de paniers repas, à l’assaut des meilleures places Mr Guérin, un des deux derniers bergers, prête sa colline depuis des lustres … Il prêtera aussi ses chèvres pour la course Depuis le matin, l’estrade, montée par les gars de la mairie , s’accroche à la pente, les œufs de Pâques se planquent dans tous les coins jusqu’au coup de sifflet de l’adjoint. L’après midi on danse. Comme on peut, mais on danse. Les ballerines neuves vont souffrir, peut être même y laisser leur peau… A l’écart, complice, la colline s’encoquine. Sans mot les langues se délient, maladroites ou audacieuses…S’exercent les premieres amours  La maîtresse claque le rassemblement…Déjà ?!!!I, 2, 3... Retour de la colonne après un crochet par la petite chapelle. Face à la colline Piécaud , saignée par les motos, sur sa croix rouillée, il fixe à jamais les Alpilles. Distrait parfois par des : « Dis bonjour au petit Jésus… »« Dis maman, il a pas froid tout nu ?… » Pas plus que le pendu, découvert par Tramier et son chien-loup, juste après un Noël gris Tout près du petit édifice, le dos de la colline est grêlé de trous fortifiés datant de la dernière guerre… Vous avez joué les soldats et tourné en courant sur le ciment pentu, testant la force centrifuge. Tu te souviens de Pierre, le chef de troupe ? Le pied ouvert sur un tesson de bouteille fracassée au fond du trou Il faut presser l’allure. D’ici, le cimetière :comme un petit village bien ordonné. La descente encourage le pas…Le christ se retire dans l’ombre. Un kilomètre à pied, çà…Ca suffit là bas! Remos et Ganieri le gilet en vrac agitent encore le rang. Vers le Gard, la cheminée d’Aramon s’efface sous la gomme de la brume Salle de classe, à nouveau . 2 minutes de silence, enfin !, bras croisés, doigt sur la bouche, avant un lâcher de piaillements, juste après la cloche…. Là haut sur la colline, fin de journée…, fin d’une histoire Chantal

Peramount sus la coulino I’avèn tóuti jouga, peramount. Tu tambèn, i’as jouga. Rapèlo-te, èro la sourtido annualo dis escolo primàri quouro braio e jupo courto prenien chascuno uno viseto dessouto la sevèro campano nous sounant de nous aligna pèr dous. En silènci, se vous plais ! Lou porge de la court se duerb sus la carriero, saludo lou despart de l’escourregudo. Paulineto tanco pas l’espiçarié meme lou dimenche. Ié viéu dedins amé sa bello-maire e soun tignoun blanc. La vièio damo digno avié fa sa causido au moumen que soun fiéu avié lèissa sa noro…Dempièi, aquel couple de femo tenié bon. Aquéu d’eici au mens !.. Li man secado dins lou faudau, Paulineto dóu sourire couquin, arresouno li pichot barda de si coucourdo de plasti blanc, que tebesira l’aigo à la mento. Rèdo la mountado de la glèiso, mèns que la carriero Roumpo-quiéu ! Lou dijòu, li grand desboulon sus si càrri amé si routacioun à biho. E si crid cournavon. Dins la rigolo de la man drecho, la maire Arnaud a vueja soun ferrat de zing, uno mousso griso resquiho sus la pèndo avans de s’engoula dins l’escoulamen. Soun ome, èro lou carbounié. Ho ! es seguramen pas elo que pourriguè la planeto ! De segur, lou drole Ganieri boutè lou pèd dins l’aigo !...Tu tambèn, as neteja ti caussaduro dins li garouioun. Vers lou founs dóu rang, Remos amusavo la galarié, digeris li darriéri fourmigo qu’engouliguè dins la court, après la cantino, davans d’iue estabousi e maucoura… An espàndi lou cementèri. L’oumbro di grand pin calinejo toujour li mort un darrié cop… Tout-de-long de la muraio, la colo parlo à la chut-chut sus ordre. Quàuqui crous arrouganto despasson, coutiguejon la pòu e lou mistèri dins un iue de cantoun qu’auso pas lis afrounta. La mort demoro tabou. S’espremis que dins la coulour d’un vèsti que n’en prèn pèr un an, au mèns… Li proumiés amélié..De traite i fru amar. Se recounèis li nouvelet ; escupisson uno grimaço au bout d’un det galoi ! Mai liuen, en contro-bas dóu camin, un « pichot teatre de verduro ». Aqui travaiavon treco à la man, marcèu de cotoun coula à la pèu, lis oubrié de la pichoto carriero. De valents italian qu’avien pas la chausido. Scèno tarabastouso d’un tèms passa e bèn passa. Nous sarran pas ! Pericoloso sporgersi ! La mento-fèro martirisa do pèr uno trenteno de tourturaire espiro son perfum. Lou de la ferigoulo reguignejo. Memo revóuto souto li pèd… Es à n’aquel moumen precis, unique, qu’Elsa se sènt dins la coulino. Dedins… A cade cop, dins d’autro-part, aquesto óudour recounèigudo, la despausara aqui, dins soun enfanço…dins aquest espàndi de jo e d’inchaiènço. Assetado sus uno tolo rouvihado, mandado sus lis espigo seco entre de pin redoutable, arrapado à la paret de la « Roco traucado », aubourant un cuou trop lourd…escoundudo dins d’aprouchadisso cabano de bos mort. A la trigosso di mai grand..à chivau sus un jo de pisto. Long-tèms, aquéli remèmbre apasimaran de sournarudo tressusour, dusqu’à n’aquel jour au mèns. Noun, crese que i’ères pas.. .Pas aqueste cop. Li pèd mèns desgourdi « trabucavon » à la pèiro blanc gris. Encaro uno escalado après lis oulivié. An jala en 1956. De si pege espès e nègre intra en resistènci, manti sagato avien tenta sa chabènço. Renèissènço. Dempièi de tèms, déjà Nouvèmbre èro tourna boulega li pichot fru verd e…amar ! La curiouseta nous l’avié ensigna ! Aqui ié sian ! Van poudé boufa. Goulado à peno refrescanto. Enfin, s’escampiha…pas de dela dóu grand ciéucle de pèiro, si que noun… Li mèns bravaire, de chato bèn-segur, assetado en round, lavagnon la mestresso. Counèisson aquesto clariero, ié fan un rejauchoun tóuti lis an o quasimen. Ensalado russo, chouio panado o poulet fre, chips..e subretout choucoulat…lou choucoulat de Pasco ! Lou dilun de Pasco ! L’autro fèsto dóu vilage ! Tout lou mounde mounto, arma de sa biasso, à l’assalido di meiouri plaço. Moussu Guerin, un di darrié bergié, presto sa coulino dempèi uno bono vóuto…Prestara tambèn si cabro pèr la courso. Dempièi lou matin, l’estrado, aprestado pèr lis ome de la coumuno, s’acrouco au pendis, lis iòu de Pasco soun escoundu dins tóuti li cantoun esperant lou cop de sibla de l’ajoun. Lou tantost, se danso : Coume se pòu , mai se danso. Li balarino novo van soufri, belèu meme ié lèissa si pèu. A despart, coumplice, la coulino s’encouquino . Sènso mot, li lengo se desligon, sènso-biais vo asardouso..S’eiserçon li proumièris amour. La mestresso fai peta l’acamp…Déjà ! 1,2,3… Retour de la coulouno après un destour pèr la capeleto. Fàci à la coulino Piecaud, grafignado pèr li moto, sus sa crous rouvihado, fisso à jamai sa lucado sus lis Aupiho. Desturba de fès pèr de «  Dis bon-jour au pichot Jèsu ».. « Dis, Maman, a pas fre tout nus ? »… Pas mai que lou penja, descubert pèr Tramier e soun chin-loup, juste après un nouvé gris. Tout proche dóu pichot edifice, l’esquino de la coulino es grela de trau fourtifica que daton de la darrièro guerro… Avès jouga i soudard e vira en courrènt sus lou ciment pendoulous, prouvant la forço centrifujo. T’ensouvènes de Pèire, lou capoulié de la colo ? Lou pèd dubert pèr un tessoun de boutiho esclapa au founs dóu trau. Fau abriva lou pas . D’aqui, lou cementèri sèmblo coume un pichot vilage bèn ourdouna. La davalado douno de van..Lou Crist se retiro dins l’oumbro. Un kiloumètre à pèd, acò uso….Eilabas, n’i’a proun ! Remos e Gaieri lou gilet bourro-bourro desrègon encaro lou rang. Devers lou Gard, la chaminèio d’Aramoun s’escafo souto la goumo de la brumo. Salo de classo, tournamai. Dos minuto de silènci, enfin ! Bras crousa, det sus la bouco, avans un bandimen de cridarié, juste avans la campano… Peramount sus la coulino, fin de journado….fin d’uno istòri. Chantal

 

Jan-Enri Fabre : uno vido d'auvàri

Uno leituro de sa vido nous fai vèire que fuguè semenado d'auvàri de touto, e tambèn de dòu crudèu. E se pòu demanda coume a fa pèr toujour se poudé releva de tàli mau-parado, pèr persegui soun obro emé la meme coustànci, lou meme achinimen. Quet èro l'enavans que ié permetié d'acata soun pegin e de faire cala si lagremo, fin que de countunia d' óusserva sis esperiènci e de segui lou fiéu de sa pensado ? Sa primo enfanço avié coumença de l'aguerri ; proumié enfant d'un parèu

qu'avié proun peno pèr derraba sa vido, à la neissènço de soun fraire Frederi, fuguè manda encò de si grand devers maire, au Malaval, à quàuqui deseno de kiloumètre d'aqui, dins la rufo campagno de l'Aveiroun. Es en aquéu liò que coumenço de s'esviha à la naturo que lou pivelo.

Quouro agantè si sèt an, si gènt lou venon querre pèr ana à l'escolo. Mai, las d'aquelo vido de misèro, anaran s'establi un tèms à Roudés, pièi Toulouso e Mount-Pelié. Aqui, Jan-Enri se bouto à sounja is estudi de medecino, mai, de bado ! Si gènt podon pas paga. Dèu agué aperaqui quinge an e subre-viéu coume pòu, prepausant si service pèr travaia ounte que siègue. Es coume acò que se fai embaucha pèr la coustrucioun dóu camin de ferre Bèu-caire- Nime .

A dès-e-sèt an quouro, à l'asard , presènto lou councous di bourso pèr l'Escolo Nourmalo d'Istitutour d'Avignoun, e que derrabo la proumièro plaço.

A dès-e- nòuv-an ; lou vaqui jouine istitutour à Carpentras, e à vint an se marido emé Marìo-Cesarino, qu'es tambèn istitutriço à Carpentras. Ai-las ! Lou malur picara lèu à sa porto : perdran cop sur cop si dous proumiés enfant, à dès e vint mes.

Jan-Enri sara pièi nouma proufessour en Corso. Es aqui que s'amigara emé lou boutanisto avignounès, Esperit Requien. Es em'èu que Fabre se vai afouga pèr la boutanico.

Mai, malur pèr èu ; dous an mai tard, Requien defuntara à la subito.

A sa revengudo à-n'Avignoun, alor qu'avié davera soun dóutourat de sciènci, restara vint an proufessour-ajoun, escassamen paga. Estènt pas sourti de l'universita, restara mesestima e tengu à remas pèr lis àutri proufessour.

En 1865, reçaup la vesito de Pasteur que se vèn enfourma sus li magnan, fin que d'arresta lou flèu qu'escoufis li magnanarié. Fabre ié fai bono acuiènço, mai Pasteur es fierous, mespresant, e d'acò, Fabre ié perdounara jamai.

Fabre aguè perèu pèr toco de descurbi de proucedat pèr tira di racino de garanço de coulourun mai pur e mai eisa d'emplega. Se i'óupilè d'annado de tèms, e quouro i'averè, d'ùni tiro-proufié l'escartèron, tout bèu just au moumen que dous chimiste alemand desurbiguèron l'alisarino sintetico.

Pau de tèms après, lou menistre de l'estrucioun publico, Vitòur Duruy, l'encarguè d'ourganisa de cous libre e à-gratis pèr tóuti, dins l'anciano abadié Sant Marciau d'Avignoun. Es aqui que faguè quàuqui bèu rescontre, coume Mallarmé, Roumanille, e tant d'àutri. La salo èro toujour coumoulo de mounde qu'avien plesi de l'ausi parla de sciènci. Mai aguè la marrido idèio de parla de boutanico e de la fegoundacioun di planto, e desvela tout acò en de jouvènto, fuguè un escandale !

Li prouprietàri de soun loujamen, vièio fiho manjo-bon-Diéu, lou remandèron. Sènso dardeno e sènso loujamen, quitè Avignoun ounte restavo despièi mai de vint an pèr s'istalla en Aurenjo, bonodi l'ajudo de soun ami Stuart-Mill que ié prestè d'argènt.

Es au museon Requien qu'avié rescountra Mill e qu'èron vengu ami. Anavon souvènt erbourisa ensen, e avien fa lou proujèt de realisa uno geougrafìo boutanico de Vaucluso.

Ai-las ! Mill defuntè perèu à la subito, e Fabre, encaro un cop, n'en fuguè proun treboula. Pau de tèms après aquéu dòu, fuguè remanda de soun poste de counservadou dóu museon Requien, sènso esplicacioun, e ço que ié derrabè lou cor, es d'abandouna si caro couleicioun boutanico, realisado emé sis ami defunta, Requien e Mill. Gaire de tèms après, perd soun fiéu Jùli, que manjavo dins si

sege an. Avié l'espèr qu'aquéu drole s'endraièsse dins la meme règo qu'èu, amor qu'èro adeja afouga pèr la sciènci. Se revenguè jamai d'aquelo perdo. Pau de tèms après soun istalacioun à l'Harmas, alor que coumençavo de trouva soun soulas, es sa mouié que defuntè. Restè véuse dos annado de tèms e se remaridè em'uno jouino femo de Serignan. Aguèron tres enfant, un drole, e dos chato. Mai tardèron pas de manca d'argènt, li libre se vendien pu. Soun sis ami, Vitòur Legros e Mistral que l'ajudaran à sourti d'aquelo marrido passo que durè proun de tèms.

Veguè pièi defunta uno feleno, pièi uno de si fiho e un de si drole, e pas proun d'acò, sa segoundo femo s'enanè tambèn à Santo Repausolo.

Reçaup tóuti aquéli malur emé un grand courage ; disié : « Aquéli brutalige de la vido, tant revóutant, an sa coumpensacioun aiours. Es ma prefoundo counvicioun, cade jour refourtido pèr l'esperiènci di causo. Lis esprobo de la vido an en quauque endré soun esplicacioun ; ço qu'avèn perdu se retrobo, ço qu'avèn tant ama nous es rendu. Ounte se pòu pu rèn, luchen au mens pèr l'energìo mouralo, moustren nous superiour i misèro que nous aclapon. La doulour dèu nous ennoubli e noun nous amata.(...) La vido es qu'uno sequèlo de misèro ; garden quàuqui forço pèr

aquéli que podon encaro nous touca. »

Fabre èro vertadieramen cresèire, e siéu seguro qu'aquelo fe l'ajudavo pèr supourta si malur. Sa filousoufìo de la mort se pòu resumi dins li dos fraso que faguè grava sus la lauso de soun cros :

« Li que cresèn perdu soun esta manda davans. La mort, noun es uno fin, mai lou lindau d'uno vido mai nauto. »

Mai pèr pousqué, riboun-ribagno, persegui soun obro, i'avié aquesto voulounta imbrandablo de countunia fin qu'au bout sis esperimentacioun sus l'istint. Semblavo tambèn que rèn lou poudié destourba dóu camin ounte s'èro endraia pèr sis recerco sus lou coumpourtamen dis insèite, que jamai vouguè ceda à la coumoudita e la coumproumissioun, e, coume lou disié Mistral, a toujour miés ama resta « Umble emé l'umble, e mai fièr que li fièr. »

Michello