Ferdinand, lou
« Fatour Cheval »
Ferdinand
Cheval nasquè à Charme sus l'Erbasso, toucant Autoribo, dins
Droumo, en 1836, dins uno famiho de pacan paure, e coumençara lèu
de travaia pèr ajuda soun paire. Anè gaire à l'escolo. Fuguè
ourfanèu proun jouine ( à vounge an) e counfisa à-n-un ouncle
devers maire que l'abariguè.
Fara
pas soun service militàri à l'encauso de sa pichoto taio. A vint
an, fai l'aprendis boulengié ; la niue, legissié de longo e
meme que leissavo souvènt rabina lou pan....S'aliuenchara de sa
famiho pèr cerca de travai. . Se dis que s'enanè un tèms en
Argierìo, ié restara gaire, e es belèu acò que ié baié
l'ispiracioun pèr esculta sus soun palais, de minaret e de paumié ;
s'entournara pièi au siéu coume fatour rurau.
Lou
siècle 19èn, fuguè uno pountannado de grando misèri : la
malo-fam e la malautié agarrissien li gènt. Mai leva d'acò, i'a de
prougrès dins la medecino, li sciènci, l'endustrìo, lou camin de
ferre...
Ei
la debuto de l'escolo publico e laïco, e tambèn de la foutougrafìo,
di carto poustalo, di journau...
Tout
acò vai endrudi l'imaginàri de nòste « Fatour
Cheval »
En
1858, se vai amouiera emé Rousalìo qu'a soulamen 17 an ; sièis
an après, auran un drole que vai defunta à l'age d'un an. Dous an
après, n'auran un segound.
Es
en 1867 que se vai engaja coume fatour dins l'aministracioun di
Posto.; aquéu mestié counvenié bèn à soun temperamen soulitàri,
pantaiaire, e à soun afougamen pèr la naturo.
Sa
mouié defuntara en 1873. D'aqui sara muda à Sant Rambert, pièi en
1878 à-n-Autoribo ounte chasque jour déura percoula trento
kiloumètre d'à pèd. Vai pièi se mai marida.
Enfin,
es en 1879, eisatamen lou 19 d'Abriéu qu'en fasènt sa virado
journadièro se vai embrounca sus un caiau que despassavo dóu camin.
Èro sa « pèiro acipadouiro » ! e n'en fara
ansin lou raconte : « Dequé faire en caminant de
fèbre-countùnio dins lou meme decor, à mens que l'on sounjo...Pèr
destourba mi pensamen, bastissiéu, dins mi pantai, un palais de
fado...
Moun
pèd s'èro embrounca à-n-un caiau que d'un pau me fasié toumba ;
ai vougu saupre ço qu'èro. Aquelo pèiro acipadouiro avié uno
formo talamen estranjo que l'ai messo dins ma pòchi pèr la remira à
moun aise.
L'endeman
siéu mai passa au meme endré ; n'ai encaro trouba de mai
poulido e me siéu di : « Bord que la naturo vòu faire
l'esculturo, farai la massounarié, e tambèn l'architeituro. »
Coumençara
pèr basti uno font ; tóuti li jour, dins sa virado, acampo de
caiau dins sa saco de fatour, e aniue emé sa barioto. E trento tres
an de tèms, bastira soun palais : vint e sièis mètre sus dès
e dès mètre d'aut. Ié gravara aquéli fraso : « Es
d'art, es de pantaiage, es d'enavans... Se lou fìò de l'engèni te
crèmo, vesitaire, aprocho-te, mai se siés sensible ni à l'engèni,
ni à la naturo, retiro-te. »
Aguè
mai un enfant, uno chato que malurousamen defuntè à quinge an.
En
1896, fuguè mes à la retirado, alor bastiguè soun oustau ounte
s'istalara emé sa mouié.
Acabara
soun obro en 1922, annado de la despartido de soun fiéu. Dous an
après, es sa mouié que s'enanè à Santo Repausolo, e coume ié
refusèron que siegue ensepelido dins lou cros di dous plaço qu'avié
basti pèr éu e sa mouié ; alor agantè mai sa barioto e sa
tiblo pèr basti soun cros au cementèri dóu vilage : «
Toumbèu dóu silènci e dóu repaus sènso fin », Un cop lou
toumbèu acaba, embarrè dins un croutoun de soun palais sa barioto,
soun ferrat e sis óutis de massoun ; au bout de la galarié
sousterrenco gravè aquéli mot : « la fin dóu raive. »
Ferdinand Cheval, defuntara tambèn en 1924.
Es en
1969 que lou « Palais Idéau » fuguè classa mounumen
istouri pèr Andriéu Malraux. Lou mounumen fuguè restaura en 1984.
Li feleno de Ferdinand Cheval legaran si part à la coumuno.
E
despièi, chasque an, li vesitour ié venon forço noumbrous. En
2017, veguè passa 175 000 vesitour dóu mounde entié.
Michello
Lou
toundèire e lou chin...
Dins
un pargue, un ome d'un age, que marco bèn, es asseta sus un banc e
legis soun journau.
Passo
un toundèire de chin que ié fai la proupousicioun :
-Moussu,
toundèn lou chin ?
-Responso :
toundèn lou chin !
-Ié
fasèn lou poumpoun sus la cò ?
Responso :
Ié fasèn lou poumpoun sus la cò !
-Ié
fasèn li roundello i pauto ?
-Responso :
Ié fasèn li roundello i pauto !
-Ié
fasèn la tèsto dóu lioun ?
-Responso:
Ié fasèn la tèsto dóu lioun !
-Vaqui,
moussu, acò fai cinq franc.
Responso :
emé lou det, l'ome fai signe au chin de s'enana e ié dis : «
Ouste ! Vai-t'en!; es pas miéu, lou chin.... »
La
counfessioun de Germano
Julian
e Germano soun un brave parèu, sènso auvàri, bèn cresèire mai
pas praticant.
Germano,
elo, de tèms en tèms vai à la glèiso pèr prega la Santo Vierge.
Éu parlo dóu bon Dieu soulamen quouro es encagna après soun
chivau.
Despièi
sa proumiero coumunioun, qu'acò dato de l'an pèbre, Germano a plus
fa si Pasco.. E aquest'an, avié belèu quaucarèn que la carcagnavo,
diguè à soun espous :
-Julian,
i'a proun de tèms qu'ai plus fa mi Pasco, e aquest'an, avans d'èstre
trop vièio, amariéu de coumunia, alor deman anarai à counfesso.
-Se
acò te fai pas de bèn, au mens te fara ges de mau..
Germano
s'en vai à counfesso e s'entourno bèn tranquilo, urouso à l'idèio
de faire si Pasco lou dimenche que vèn.
L'endeman,
dilun, tout vai charmant.
Lou
dimars, coumenço de se pas senti bèn mai dis rèn à soun ome.
Lou
dimècre, se pòu plus teni de la doulour e soun ome ié demando ço
que se passo.
-A
counfesso, moussu lou curat m'a di de teni bon, de plus pissa, e alor
pourrai faire mi Pasco.
Julian,
furious, s'en vai encò dóu curat e ié demando coume vai qu'a enebi
à sa femo de pissa.
Lou
bon curat esplico alor à Julian qu'avié di à Germano :
-Anas
en pas e pecas plus...
Lou
bon Julian, rassegura e trop countènt s'entourno au siéu en
courrènt ; avans d'arriba, dóu bout de la carriero, crido :
-Germano,
pos pissa, es moussu lou curat que l'a di !
(Istòri
countado à Chantal pèr sa grand e revirado au prouvençau pèr lis
escoulano dóu cous de prouvençau.)
L’estello
dóu pastre
Digo-me,
Venus, vaqui dous mile an,
Tu
qu’ères eila-bas amé li païsan
Pèr
aculi lou divin enfant,
De-que
s’es passa en òurient ?
Digo-me,
pichot poun luminous,
Tu
que orno la capo dóu cèu,
I-a-ti
quauco- part de gènt de la terro
Que
sachon se rèndre urous ?
Sus
Terro, lis ome se fan de misèri,
Se
jalouson entre fraire,
Se
disputon li counfino,
I’a
toujour quauco-part la guerro !
Digo-me
encaro, eilamoundaut, dins toun fiermamen,
S’as
vist de cercaire e de saberu
Vengu
esploura l’espàndi e lou tèms
Amé
de baloun d’enfant…
Dins
toun grand univers,
As-ti
vist d’ome de la Terro
Perdu
dins l’atmousfèro
À
la recerco d’un grand mistèri ?
A
la bro d’aquesto nouvello annado,
Digo-me,
Estello dóu Pastre,
Digo-me
ço que lis ome poudrien pantaia
Se
que noun d’un mounde que vive en pas !
Ivan
Castagné
(Reviraduro
en prouvènçau pèr li sòci
dóu Pont de Garanço )
